Karai Octubre

Karai Octubre jeko karai 

karape, isombréro kakuaa, ha

oraha ijapére peteĩ vosa

ky’ami. Oikévo octubre

oñepyrũ oikundaha ápe ha

pépe, avave ohecha’ỹme

chupe. Pe ivosápe jeko oraha

opaichagua mba’evai:

mba’asy, mboriahu,

ñembyahýi, ñemano, ha

hetave mba’e.

Ha’éjeko péicha ohoporãite

hágui oike sapy’a óga

ahénope, ha oho derécho

kosináme. Ápe ojesareko

tembi’úre, kóva ndaipóri térã

michĩetereíramo ndaje ha’e

omboguejy ivosa upe ógape

ha chugui osẽmbaite opa

mba’e vai iñasãimbáva pe

óga ryepýpe. Péva oikóramo

he’isehína pe áño pukukue

oĩtaha pe ógape mboriahu,

ñembyahýi, mba’asy ha

ñemano hamba’e.

Ani haġua Karai Octubre

omboguejy ivosa ñakosina

tuichava’erã upe árape. Ikatu

ñambosako’i jopara, térã

oimehaichagua tembi’u

tuicháma guive. Ojuhúrõ

tembi’u heta ndaje ha’e

ojerénte ha osẽjey pe ógagui.

  

Ohai: Miguel Ángel verón

Omoha’anga: Melky.

http://www.larueda.com.py/maveron001.htm